daiya re daiya jashoda maiya isako sambhaal
bada natakhat hai tero nandalaal

paniya bharan ko jaane na de
jaayuun to vaapas aane na de
raah na chhode mataki phode maakhan le nikaal
bada natakhat hai

jamuna pe aisi bansi bajaayi
tan mein mann mein aag lagaayi
nind churaayi raam duhaayi kiya bura haal
bada natakhat hai

preet bina koyi geet na jaane
preet ki lekin rit na jaane
biraha ki maari raadha bichaari tadape kitane saal
bada natakhat hai