I wü kane augfressanen Gsichta mehr segn
I wü die gaunzen Wickeln nimma hean
Des zaht mi so owe, des mocht mi so kraunk
Vergessts mi doch und hobts mi olle gern
I wü in kane bledn Lokale mehr geh
Wo jeda umanaundasitzt und fäult
Waunst wüst das si wos ändert
Faung amoi bei dir au
Bessa di, daun bessert si die Wöt

Loch amoi, loch amoi, loch amoi
Und wan mi bitte nimma au
Loch amoi, loch amoi, loch amoi
Weu mitn Raunzen ist doch a ned dau

I wü kane augsoffenen Gespräche mehr fian,
Weu mi des so unhamlich niachtan mocht
Des druckt ma es Herz o, des schlog si aufd Sö
Do geh i liaba und sog guate Nocht
I wü a kane gscheitn Diskussionen mehr hean,
Wo jeder immer nur von Freiheit red.
Waunst frei sei wüst, daun tua wos,
Nur paß hoit auf dabei,
Daß ned auf Kostn von wem aundan geht

I wü in derer unsöligen Stodt nimma leben,
Wost jeden Tog fünf Kilo schwerer wirst,
Wo da die Woaheit aufgeht wia schwindsüchtiger Mond
Und wost Di aun die Leukämie verlierst.