Fla-m Nandinha bu kama txoma areia
Fla-m Nandinha bu bank' é Prasa Strela
Fla-m Nandinha bu poize é na Son Bent
Fla-m Nadinha N ta skrebe, N ta fla mamai

Fla-m Nandinha forti da-m kudadu
Fla-m Nandinha bu skrebe-m, 'u manda fla-m
Fla-m Nandinha 'u paga pasaji, bu bai
'U ba buska pai di fidju, 'u ben traze-l d' Lisboa

Fla-m Nandinha forti da-m kudadu
Fla-m Nandinha kel-li é sô pa N odja
Fla-m Nandinha midjor 'u djobeba mi
Ma mi ku bo nu kustumaba mora djuntu

Fla-m Nandinha due-m da-l tabaku
Fla-m Nandinha kel-li é sô pa N odja
Fla-m Nandinha 'u sta moda zigizagi
Kunpadri zigizagi, ora li, ora la

Pan d' iáia, pan d' iáia
Pan d' iáia bu toma-m libizon
Pan d' iáia bu toma-m tudu kuza
Bu ratxa-m hm-hm, N ta txiga, N ta fla mamai

Fla-m rapasis si nhos fladu, nhos ka obi
Fla-m rapasis si nhos obi, nhos ka ntendi
Fla-m rapas' si N ba purgunta p'undi pan d' iáia
Fla-m pan d' iáia pa da konta nhosis

Libertadu 1 di Maiu festa nhu San Flipe
Libertadu 19 di Maiu festa na Praia
Libertadu 24 di Junhu Portu Novu
25 Nhu Santiagu, nha genti, Pedra Badeju

Fla-m mosinhu na pasar di Sinhor du Mundu
Fla-m mosinhu ma mi N kume, N ka farta
Fla-m mosinhu ma mi N bebe, N ka basta
Palmanhan N ta tingi ka ten kuza kubri

Pan d' iáia, pan d' iáia
Pan d' iáia bu toma-m libizon
Pan d' iáia bu toma-m tudu kuza
'U ratxa-m hm-hm, N ta txiga, N ta fla mamai