Reintj' uit mijn strate an heur vensterke zit
Gekamd en gewassen en vers van 't toilet
't Brood en de koffie hen heur goe gesmakt
In ne zetel een meiske scheef dubbel gezakt

Z' is zie voorzekers al goe dertig jaar
En ze kan nie goe spreken en ze kijkt ook zo raar
Z' he wel twee voeten maar z' he nooit kunnen gaan
't Is daarom da 'k soms an heur venster ga staan

Ze speelt met de kaarsen een onbestaand spel
Da 'k altijd verlieze maar dat jeun ik heur wel
Ze vertelt lange fabels zonder een zinnig woord
En 'k peize ach Reintje vertelt gie maat voort

Kijk naar de wolken hort naar de wind
Zelfs de vleugels ze schuifelen voor 't onnozel kind
En omda' 'k zo dikwijls an uw venster m' ag staan
Zing ook ik mijn liedje 't is geiren gedaan