Ower the moor amang the heather
Ower the moor amang the heather
By my life she shall be mine
The bonnie lass amang the heather

Comin' thro' the craigs o' Kyle
Amang the bonnie bloomin' heather
There I met a bonnie lassie
Keeping a' her yowes the gither

Chorus:
Ower the moor amang the heather
Ower the moor amang the heather
There I met a bonnie lassie
Keeping a' her yowes the gither

Says I my dear whaur is your hame
In moor or dale pray tell me whether
Sir I tent the fleecy flocks
That feed amang the bloomin' heather

Chorus

We laid us doon upon a bank
Sae warm and sunny was the weather
She left her flocks at large tae rove
Amang the bonnie bloomin' heather

Chorus

While thus we lay she sang a sang
Till echo rang a mile or further
Aye the burden o' the sang
Was ower the moor amang the heather

Chorus

She charmed my heart and aye sinsyne
I couldnae think on onie ither
By my life she shall be mine
The bonnie lass amang the heather

Chorus