Trigueñitami
Rova tupãsy
Rekéva reína
Mbaraka che pópe
Ko ne rovetãme
Péina añemboja
Mombyrýgui aju
Nde rupa guivénte
Cherendumína
Ikatuhag̃uáicha
Ko che korasõ
Oñeconsolá

Guyrami maymárõ
Nde tapỹi rovái
Péina opurahéima
Ha umi ángel kuéra ave
Amo yvagapýgui
Orembohovái
Ha umi mainumby
Nderechasetégui
Nanderejavéima
Ha umi estrellakuéra
Tupã rataindy
Rendypu jajái

Nerepu'ãséipa
Trigueñitami
Tañeconsolá
Eju sapy'a
Tupãsy memby
Torohechami
Ymaite guivéma
Nderehe apensáva
Cariñito mío
Ko che korasõ
Nderehe oclamáva
Kuñataîmi

Eremína chéve
Trigueñitami
Ndaikatumo'ãipa
Térãpa ya opáma
Cheveg̃uarãmi
La ne mborayhu
Aikuaahag̃ua
Ajapóva che
La che rekovére
La rohecha'ỹre
Ndaikovemo'ãi
Porque rohayhu

Tuichaite mba'e
Ko yvy apére
Japorohayhúrõ
Ha la ingratitud
Omartirizárõ
Ñane korasõ
Nañamerecéirõ
La otro cariño
Jaiko jepoyhúrõ
Ñambyasy voi
La jaikoveha
Hi'ã ñamano

Mba'éicha rupípa
Trigueñitami
La che cautivá
Ko che rohayhúgui
Ára, pyharépe
Ni ndakemivéi
Ko'ág̃a ahecháma
Namereceiha
La nde voluntad
Pévare ko'ág̃a
Ehendu ipaha
Ko che purahéi