Nes bida, nos odju é na orizonti
Nu ta vivi ku gana txiga, ma nu ka sabi kel undi la ta fika
Djobi sentidu na fadiga ta po-u ta kóri sen
Fla-m kantu tenpu ki bu anda sen pensa
Ma bu sta li
Bu sta li, bu sta li, bu sta li
Kel k'é más grandi ka ta spliko-u
Un dia so bu ta xinti-l

N fazedu si pa N lebo-u, djobi pa la di orizonti
N fazedu si pa N lebo-u, pa la di
N fazedu si pa N lebo-u, djobi pa la di orizonti
N fazedu si pa N lebo-u, pa la di

Dipos di li
K'o skesi di
Nos lugar é
Xintidu sta

Dipos di li
K'o skesi di
Nos lugar é
Xintidu sta

Dipos di li, pa la di
K'o skesi di, pa la di
Nos lugar é, pa la di
Xintidu sta, pa la di

Djobe-m na odju bu ta odja un lutador, i nha forsa ka rizumi nun so bens ki linguájen dinheru
Ka falta-m modju na nha pratu di sabor, N sa spera-l di brasu abértu mó Jezús di Riu di Janeru
Kaminhu lonji, lonji, N nfreta-l, nventa-l, fadjus é isensial
N ka odja triserus k'é pa fla-m kita-l
Obi Paulinha nxina-m fla vida da-m un sinal
N ta fulia pa béntu panha tudu konbérsu ku lua
Sórti pa kes ki kunpanha, péna pa kes ki rikua
N perdi antis ganha kel ki txeu ganha na rua
Ka ten gatu ki ranha, ku mesmu gara ki po-m sua

Otramanhan ku manhan é futuru d'oji
Ka bu trapadja-m i julga-m ku kel ki mi N skodji

Tenpu ku paxénxa é nha téra lonji
E téra ki nu dadu e kel téra ki nu ta kodji

N fazedu si k'é pa N lebo-u alén fla, alén di da, alén di bareras i pontis
N fazedu si k'é pa N lebo-u alén mar, alén di séu, alén di linhas d'orizontis

Ami é emoson, ami é korason
Ami é ka atenson, ami é direson
Ami é komunhon, dun koperason
Ami é ami é kontinuason

S'u konbati fogu ku paixon, rostu ka ta kema
Pa korpu ten prizon pa alma ka izisti aljéma
Ku kantu po ki ta fazi un kanoa pa nu rema
Inda N ka atxa rispósta ki ta kubri nhas diléma

N odja irmon kai pa vaidadi ka labantadu
Korida pa nos tudu ma nos tudu bira bidjaku
Pa un di nos ganha N odja irmon trabesa faka ku abrasu
Éra pa nos tudu staba amargu
Lenbra ma ta serba
Pamó é di djuntu ki vida ta rola
S'u ta djobi lonji, orizonti ta txoma
(Orizonti ta txoma, orizonti txoma)

Mar senpri da-m oportunidadi di djobi pa mi
Di djobi pa dentu di djobi pa lonji
Orizonti ta bota-m vérsus di speransa
Pa N ka skesi ma
Pa N ka skesi ma

N fazedu si pa N lebo-u, djobi pa la di orizonti
N fazedu si pa N lebo-u, pa la di
N fazedu si pa N lebo-u, djobi pa la di orizonti
N fazedu si pa N lebo-u, pa la di

Dipos di li
K'o skesi di
Nos lugar é
Xintidu sta

Dipos di li
K'o skesi di
Nos lugar é
Xintidu sta

Dipos di li, pa la di
K'o skesi di, pa la di
Nos lugar é, pa la di
Xintidu sta, pa la di