Na nha vida ten trés mininu ki
Ben mundu pa trazê-m alegria, kandor
Trakinu, bunitu, balenti, xuxánti,
Tudu dotorádu, é triiu maravilia!
Primeru Cadú, dipós ben Sarita,
I pa fitxa kónta ben Alexandrinho
Foi diskubriméntu di txeu sentimentu
D’un amor tamánhu ki ka ten igual

Nhós vivi senpri unidu
Union senpri foi fórsa na óra dóxi i n’óra margós
Nhós djobi da valor a un grándi amizádi
E a tudu nós muméntu tanbé
Pamó dipós di un dia ál ben senpri otu dia
Ma nunka ês é igual

Na nha vida ten trés mininu ki
Ben mundu pa trazê-m alegria, kandor
Trakinu, bunitu, balenti, xuxánti,
Tudu dotorádu, é triiu maravilia!
Primeru Cadú, dipós ben Sarita,
I pa fitxa kónta ben Alexandrinho
Foi diskubriméntu di txeu sentimentu
D’un amor tamánhu ki ka ten igual

N ál pidi tudu dia a tudu ánju-da-guárda
Pa pega-nhós na mon, pa ka nsoda
Nhós vivi ku bondádi/verdádi
Ku jenerozidádi i djuda ken ki mesti di nhós
I vida ál ser más suávi, kaminhu más bunitu
Pa kada un di nhós

I brinka, brinka, brinka senpri, triiu maravilia!
N ál sta senpri li pa nhós, na tudu óra!