Palavra
Palavra
Palavra
Palavra

Kruzadu é jogu
Trokadu é ntriga
Dadu é kunpridu
Faltadu é falsia
D'amor é poezia

Di Rei é lei
Di Sinhor, amén
Mal skritu é éru
Ben skritu é arti
Firmadu é promésa
Di bo é sinplismenti un língua na nha bóka

Palavra
Palavra

Di bibu é béntu
Di mortu, eransa
Di ónra é aval
Asves é lamentu
Di ordi é pa grita

Gritadu é forsa
Asves é frakéza
Rimadu é beléza
Rumadu é bla-bla
Xintidu é orason
Di bo é sinplismenti un língua na nha bóka

Palavra
Palavra

A-favor é argumentu
Kantadu é finason
Titubiadu é gagês
Trunkadu é mudês
Kaladu, unn! diskúnfia

Di Rumeu é Juliéta
Di Kixóti é loukura
Di Buda é sapiénsia
Di Fidel, persisténsia
Di-meu podi ser banal
Ma di bo é sinplismenti un língua na nha bóka

Palavra
Palavra
Palavra
Palavra