...'Na biundella,
'Na brunettella,
'Nu balcunciello:
Rose e garuofane...

Ddole figliulelle,
Ddoie pupatelle
Eu ddoie vucelle:
Suspire 'e napule!...

Ago e cuttone...
Sole e canzone...
Jurnate sane
Foro balcone
Sti ffigliulelle,
Sti ssartulelle
Ca da 'nfranscata so 'e pupatelle!

Chitarella, chitarrè,
Contale 'o fatto!
Comm'è gghiuto, chitarrè,
Che succedette?
Passaie nu giuvinotto ammartenato
E una 'e lloro avette na mmasciata...
Mò 'a bruna canta e 'a bionda sta malata chitarrè
'Ncopp' a sta casarella da nfrascata,
Chitarrè!...

...Sta biundella...
Sta brunettella...
Stu balcunciello...
Ma quanta lacreme!...

Sti ffigliulelle,
Sti pupatelle,
Sti nenne belle
Pecchè nun cantano?...

Po stesso ammore
Dint' a dduie core
Parole amare
Tra sora e sora...
Addio, canzone!
Pe' sta passione
Mò una è l'ago e n'ata 'o cuttone!

...Chitarrè,
Stammoce zitto!
Ch'a stu punto chitarrè
Cchiù triste è 'o fatto!
Songh'io stu giuvinotto ammartenate!
Pe' colpa mia 'o purtone sta 'nserrato...
'A bionda è morta e 'a bruna m'ha lassato,
Chitarrè!...
E io chiagno 'nmiezo a strada da 'nfrascata,
Chitarrè!...