Che yvotykuemi ymáma rekañýva ¿Mamópa reime?
Rohechaga'úgui ymaite guivéma aikóva roheka
Ko'êre ajeity roheka tapére pytûmba peve
Ha pytû rirékatu a-seguíma cada ogaha

Ymáma reho, che azucena, nderejerevéi
Rohechaga'úgui ymaite guivéma ni ndakevéi

Pytûmby og̃uahêvo chepy'arorýva nderehe apensárõ
Kyju ñe'êmíjepe che apysápe banda pu voi
Ha rohechamíta vaichánte chéve la asêta ahávo
Che ni napensái la mombyryha ñaime ojuehegui

Mombyry reínte, princesa, ñaime ojuehegui
Siempre con la firme promesa: Che ne kambami

Norte ojerévo chupé ajeruréva ñepomoîhápe
Jahecha ikatúpa rohekávo chéve la che yvotymi
Águi, viento Sur, ndéma reguyguýta mamo ikuaihápe
Jahecha ikatúpa eme'ê noticia chéve ichugui

Chejukapota, chemboypíma pe ne pore'ỹ
¡Ejumijeýnte, che chína! ¡Chéningo rohayhu!

Ñasãindy okañývo che aiporavóva umi estrellakuéra
Ha umi iporãvéva adesconfiáva la ndénehag̃ua
Ni noticiami ndarekovéimarõ che ha'éva
Oimenehag̃ua Tupãsy moirûvo reho sapy'a

Ni las más hermosas estrellas nanembojojái
Tú eres la bella entre bellas, flor del Paraguay