Kantu ki nu konxe, N sabia di sertéza
Ki bo éra nha alma jémia
Di kara N apaixona, ka foi novéla
Nen amor di sinéma

Tudu ki N xinti foi tãu rial
N ta muda nha vida, N ta fase-u inpusível
Pa N tene-bu ku mi
N ta onra nhas palavras
I dia após dias N ta mima-u
N ka ta kansa di mostra-u

U kuantu N ta ama-bu
Foi kel bu jéstu ki transforma-m
Bu, bunitóna, dja bu mara-m
N ta ama-bu
Foi kel bu jéstu ki transforma-m
Bu, bunitóna, dja bu mara-m

Sen kria intromete
N bai até undi bu sta pa N tenta konversa i fla-u
Parse-m ma bu konxe-m
Kantu ténpu N ta djobe-u
Parse-m ma bu kai di séu
Undi bu bai mi N ta bai bu tras
N ten ki konsigi disperta la déntu
Kel fogu ki N sabe m'é ka so mi ki xinti
Nton ka bale pena minti
Mi é ómi di família, só mi N kre pa-u sabe

U kuantu N ta ama-bu
Foi kel bu jéstu ki transforma-m
Bu, bunitóna, dja bu mara-m
U kuantu N ta ama-bu
Foi kel bu jéstu ki transforma-m
Bu, bunitóna, dja bu mara-m

U kuantu N ta ama-bu, minina
Dja bu mara-m (dja bu mara-m)

U kuantu N ta ama-bu (u kuantu N ta ama-bu, minina)
Foi kel bu jéstu ki transforma-m
Bu, bunitóna, dja bu mara-m
U kuantu N ta ama-bu (u kuantu N ta ama-bu, minina)
Foi kel bu jéstu ki transforma-m
Bu, bunitóna, dja bu mara-m

U dja bu mara-m, u baby
Dja bu mara-m, ue
Kuantu N ta ama-bu, minina, ie