Che trigueñami reke pukavýva
Yvoty apytépe neaño peteĩ
Rohayhu porãgui ag̃uahê nde ypýpe
Che mbarakapúpe romombaysemi
Nereimo'ãichéne ajujevyha
Si ya nde pochýma va'ekue chendive
Ndasufrimo'ãi la nde pore'ỹ
Ni la rejapova'ekue cherehe

Ndénte ikatúne nderesaraipa
Triste palabra ereva'ekue
Ha chéve siempre oñepresentá
Ahendu voínte la ne ñe'ẽ
Cheresarái ndaipotái ere
Upévare aju romomandu'ã
Reikuaahag̃ua la rohayhuha
Arojahe'o la ne ñe'ẽngue

Nemandu'ápa, dulce trigueña
De un día sábado ka'aru
Jerokyhápe jahajoárõ
Ha ndajuvéima che nendive
Ha upéi domingo pyhareve
Pueblo rapére jajotopa
Aimo'a'ỹrenga mba'eve
Torypaitépe rosaludá

Ekirirĩnte ha che rasa
Ha upégui chéntema ro-seguí
Nde rapykuégui roñañuãvo
Aporandu mba'épa rerosentí
Nde resaývaicha osyry
Erévo chéve mba'eveha
Jahupytývo yvyraguy
Japytami ñañemongeta

Che jopymívo nde pyti'áre
Che añuã ha che retûmba
Erévo chéve entre suspiros
Ñane mborayhu ko'ápe opa
Ha en vez de ãicha che quebrantá
Jajehejántena ojohegui
Si ndéniko rejuhúma
Rehayhuveva'erã chehegui

Upeguivénteko tesaýpe
Arosentí la ne pore'ỹ
La ambyasyetéva ko mundopýre
Nde mborayhugui che tyre'ỹ
Ya reikuaapáma la rohayhuha
Ha enteroite la che py'apy
Ndénte voi la che jararã
Trigueñitami, ani nde pochy